Ciidamadii dowladdi hore oo dhoola tus sameynaya, 21ka oktoober

»Soddon qaad rasaastiis
   aan sinaba loo waayin,

» Saqiir iyo toban jirkiinii sitaad
   nabad sugaysaane,

» Safar la laayiyo naflahaan
   salashay laabtiisu,

» Sanaadiiqda lacagta laga buuxiyee
   dibedda loo saaray,

» Saqiir ooyi hooyada sawaxi oday
   gacamaha sayrin,

» Sirqa baahan dhalinyaro sahwiday
   oo gaajo ay solatay,

» Suuq ololay beesada sabayn aan
   qaar indhaha saarin,

» Safkayaga dhergaaya oon
   bulshada eegin siliceeda,

» Seedaha sokeeyaha is jaray
   nabadda seerowday (cajiib..),

» Sulfaha dhacay abaaraha sanqaray
   waxaakan sooyaamay,

» Saddex Allifle Jannankii ka biqi
   yeyna soo maraye,

» Sababaha dhibaatadan ku timid
   waa la soconaaye,

» Soomaaliyey Kitaab been ah baa
   saan inoo galaye,

» Saatirkeenna ma loo
   noqonayaa weyna saamixiye..??