Need to post this video somewhere else?
Insert the code below into your webpage..
Copy and paste. Adjust the size of the video at pleasure..


»» Hadii aad doonayso inaad vdeogan bogaaga geliso, qaado koodkan hoose (Copy)..
kadibna bogaaga meel kamid ah dhig (Paste) :o
Close Select code Adjust size
LIST VIEW  GRID VIEW (side by side)


Dec. 8th, 2005

"Hooyadu waa lama huraan".. Gabay ka mid ah, gabayada ugu quruxda badan ee af soomaaliga

"Hooyadu waa lama huraan".. reintroduced
A tribute to all motthers. While you're waiting for the next video, enjoy this intermezzo. One of the best poems ever written..

Higaad waa la akhriyaa
Hagaag waa loo socdaa
Hor waa loo sii hoydaa
Hadal waa la hindisaa
Ha'dii kale waxaan lahaa

Mudaan uurka hurrudnoo
Culays bey hayn jidhoo
Talaabtey la hakatoo
Xanuun bey la hingateye
HOOYADU WAA LAMA HURAAN!
Ha'dii kale waxaan lahaa

---------=0=------------

Habeen goor uu bartamay
Caanihii bey nagu habtoo
Horaadkeey noo dhigtoo
Dharkii bey na huwiseye
HOOYADU WAA LAMA HURAAN!

---------=0=------------

Calooshaadoon hif oran
Adiga oon ka haqabbi'in
Hunguri ma haweeysatee
HOOYADU WAA LAMA HURAAN!

---------=0=------------

Habaaq goor aad tahayo
Talaabta aan la holi karin
Adoo ciidii hambaday
Dhaqsaba waa ku hinjisaye
HOOYADU WAA LAMA HURAAN!

---------=0=------------

Afkaa aan ku hadalniyo
Hannaankeeniyo hub qaad
Hagaag bey noo bartey
HOOYADU WAA LAMA HURAAN!

---------=0=------------

Innaga oon haybad qabin
Hal beesa aan suubsan karin
Habaaskeey naga huftoo
Waa tii noo hiilisaye
HOOYADU WAA LAMA HURAAN!

---------=0=------------

Sidaanaan halis u gelin
hungurigeey suubisaa
Dhaqsaba hoo nama dhehdee
Intii ey ka hubsataa
Iyada yaa ku hormartee
HOOYADU WAA LAMA HURAAN!

---------=0=------------

Reerku haduu yahay hayaan
Hayinka aan saaran nahay
Hogaankeey haysatoo
Hoosbey kaala hadashoo
Intii aad ka hurudaa
Waa kuu heestaa hadane
HOOYADU WAA LAMA HURAAN!

---------=0=------------

Cilmiga shiikh ku hormariyo
Nin haamaan ah iyo hanad
Iyadaa soo hayn jidhee
HOOYADU WAA LAMA HURAAN!

---------=0=------------

Haddii loo baahdo hiil
Geesiga loo habar wacdiyo
Fuleyga aan haadka hubin
Iyadaa soo hayn jirtee
HOOYADU WAA LAMA HURAAN!

---------=0=------------

Deeqsi aad soo haybsatoo
Hamuuntii kaa ba'shiyo
Bakhaylka aan kula hadleyn
Iyadaa soo hayn jirtee
HOOYADU WAA LAMA HURAAN!

---------=0=------------

Aabbuhu waa hawsha guud
Ayuna hoosbey hayaan
Habantii guriga iyo
Hooygii bee noo huftaye
HOOYADU WAA LAMA HURAAN!

---------=0=------------

Geed yare kaa hooshay meel
Hadii aad haah dhehdaa
Hubkii bey ka hmndadoo
Iyada oon hagar lahayn
Haaw waa tii soo dhehdee
HOOYADU WAA LAMA HURAAN!

---------=0=------------

Odaygu waa haajiraa
Hawuu meel ugu kacaa
Haduusan mawtku helin
Hortaadey taagan tehee
HOOYADU WAA LAMA HURAAN!

---------=0=------------

Habeenkaad soo dhaxdaa
Hurdada aad uma heshoo
Qalbiga waa ka hamidoo
Hiloow bey kuu qabtaye
HOOYADU WAA LAMA HURAAN!

---------=0=------------

Horey adigoo aan ahayn
Dudkuu bey u hanjabtoo
Halyeey beey kaa dhigtoo
Amaan bey ku huwisaye
HOOYADU WAA LAMA HURAAN!

---------=0=------------

Abaarta hawaarsatiyo
Harraad meelloogu go'ay
Heeyhaata uu dhaanku yahay
Cirkuna haawanahayaa
Halihi ey soo heshaa
Hadeey ho' inna dhehdaa
Innaga oon soo hambeyn
Waatii aan heensanoo
Hamuunteedii horiyo
Dhib bey la hagoogatey
HOOYADU WAA LAMA HURAAN!

---------=0=------------

Sidii awr haama wada
Dusheedaan halabsanoo
Hah goortaa nama dhehdee
Waa noo sii hoorsatey
HOOYADU WAA LAMA HURAAN!

---------=0=------------

Marada ay nagu hantiday
Haddaan hoos uga dhacnaa
Wadnihi bey ka hinqatoo
Calooshey ka halcateye
HOOYADU WAA LAMA HURAAN!

---------=0=------------

Alaabta horteeda taal
Haddaad laad ku hurguftaa
Habaar weyn kuma dhahdee
Inyar bey ka hifataye
HOOYADU WAA LAMA HURAAN!

---------=0=------------

Hiloowlaha ay dhashaa
Haddii meel laga hayaa
Asuu haaraa habeen
Waa tii hoogeysatoo
Ilmadu ay hibitiqdee
HOOYADU WAA LAMA HURAAN!

---------=0=------------

Haddaan been lagu hadleyn
Wadnaha harkiisa iyo
Halbowlaha dhiiga wada
Hareer baa laga dhigoo
Halkeey joogaan iyagu
Yaa loosoo wada hoydey
HOOYADU WAA LAMA HURAAN!

---------=0=------------

Hantida aad leedihiyo
Wixii aad haabataa
Haddii loosiiyo hibo
Abaalkood lama helee
HOOYADU WAA LAMA HURAAN!

---------=0=------------

Haddaadu hadey gashaa
Hog goortii lagu dhigoo
Wadaaduhu kula hadlaan
Aabaha looma halwecee
Waxaad tahay inna heblee
Hooyadu waa lama huraan
Waxaad tahay inna heblee
HOOYADU WAA LAMA HURAAN!

---------=0=------------

Adduunyadu waa haweeyn
Halkaa laskuma hayee
Nindoonaba ha hadlee
HOOYADU WAA LAMA HURAAN!

---------=0=------------

Hirar gaagaaban iyo
Hawada yaan ka hadlayaa
Waxba anigoon hambeyn
Hubaashiina aan hayaa
HOOYADU WAA LAMA HURAAN!

---------=0=------------

Hanfada ruuxii noqdaa
Hawraar kaama hantiyee
Waxba anigoon hambeyn
Hubaashiina aan hayaa
HOOYADU WAA LAMA HURAAN!

.... HOOYO ......

 Go back to the videos..

News and
video blog


Search videos
Halkan waxaad ka daawan kadhaa video iyo filimo documentary ah oo u badan kuwo quseeya dadka soomaalida ah.
Si aad u daawato video-yada, waxaad u baahan-tahay RealPlayer, Flash, iwm. (hoos eeg)
NEW: Videos as a LIST
Luqada dooro, taabo labada calan midkood

documentaries

Videos served:
Take-away or enjoy
on this spot

Your weekly dose of fresh somali videos


To view these videos, you need Windows Media Player, Flash player 7 and Real Player

If you can't view the videos, you may need to download them: Windows Mediaplayer here RealOne Player here Flash player here
Having problems?
click here..
..Hadaadan daawan karin, halkan riix..

Fatal error: Call to undefined function import_request_variables() in /home/saidi/somalism.com/public_html/oneadmin/common/include.php on line 2